REV. THA CUNG NUNG
SENIOR PASTOR
Church Pastor Rev Tha Cung Nung cu Hakha peng Tiphul khuami Pu Dar Tlung le Pi Thluai Men nih fanu fapa kan ngeihmi 8 lak ah a pathumnak upabik a si i, March 24, 1974 ah Tiphul khua ah a chuak. Kum 2005 April 26 ah Pi Annie Shwe he chungkhar an ser i fapa pakhat le fanu pathum an ngeih hna. An fale cu Bawi Cin Sang, Bawi Hnem Zing, VanThluai Par le Biak Tha Chin an si.
Tiphul Middle School in taang li tiang a kai i, No 1 high school, Falam ah tangka nga le taang ruk in tanghra tiang cu No 1 high School, Hakha ah sianginn a kai. 1994 ah tanghra a awng. 1996-2000 tiang Zomi Theological College (atu: Institute of Chin Theogical College-ICTC) ah Bachelor of Theology degree (B Th) a hmu. In service in 2002-2005 tiang Myanmar Institute of Theology, Yangon ah Master of Divinity (M. Div.) degree a la. Cun 2015-2016 ah Christ For the Nation Institute (CFNI) Dallas ah Associate degree in Pastoral Ministry certificate a cawn. 2016-2018 tiang kum 2 chung Dallas Baptist University (DBU) ah sianginn kai a peh than hun ah Master of Arts in Theological Studies (MATS) degree a la.
Kum 2000-2001 le 2005-2006 tiang Mie Area Baptist Churches , Tiphul Baptist Church ah pastor rian kum 3 a tuan. 2005-2009 tiang Hakha Baptist Association, Hakha ah Youth Director le Hospital and Prison ministry a riantuan. 2009-2013 tiang kum 4 chung Mie Area Baptist Churches, office ah Associate General secretary rian a tuan. Kum 2013-2015 tiang Mie Christian Fellowship, Malaysia ah Pastor kum 2 a tuan. Cun 2015 April - June tiang Mie Area Baptist Churchea, Farrawn ah Pastor a tuan. America sianginn kai a rat hnu August 1, 2015 in a tu tiang Mie Baptist Church, Lewisville, TX ah Church Pastor rian a tuan liomi a si.
